Bu il yaz gəlmədi. Yox, bunun səninlə heç bir əlaqəsi yoxdu...
Havalar isinib, günəş daha çox görünür göy üzündə və bu gün fərqinə vardım ki ağaclar belə yaşıllaşıb. Günlər gecələrin ömründən qoparmağa başlayıb, ya da qışda verdiyi borclarını almağa. Kaş ki, həyatda da belə olsa...
Deyrilər ağaclar çoxdan çiçəkləyib, qar çoxdan yağmır, yağış mövümü də arxada qalıb artıq... amma bu il yaz heç gəlmədi...
Yaz gələndə şəhərin bütün küçələrini gəzərdik, yaz yağışında islanardıq, yaz güllərindən dəstələr bağlayardım səninçün...
Son dəfə mən otağıma girəndə qar yağırdı ... qoxuram çölə çıxıb günəşi görməkdən. Üzüm gəlmir günəşin gözlərinə baxmağa və “getdi” deməyə...
Bu il yaz gəlmədi və deyəsən sən getdin deyə gəlmədi... sənlə bir əlaqəsi yoxdu əslində...