Bu sevgidən olmayıbdı bəlkə də,
Dilə düşdü, gözə gəldi deyəsən.
Qəlbimizdə yer etmişdi özünə,
Biz ayrıldıq, o da öldü deyəsən. 

Sənmi doğru, mənmi doğru, kim bilir?
Allah bilir, sən bilirsən, bir də mən.
Olan oldu, bu sevgi yoxdur daha,
Aləm bilir, dost bilir, həm də düşmən. 

Tanrıya sevgimiz kəm olmasın kaş,
İnsanlığa sevgimiz Ondan gəlir.
O veribdir mərhəməti, canmıza,
Canana da sevgimiz candan gəlir.