burda gecə qaranlıqdı... şəhərədə belə olmur. Yolların sonu yoxdur elə bil, qaranlığa qarışıb yox olur. Bəlkə o yollar sənə aparmadığındandır. sonunda səni görə biləcəyim ümidi ilə gəzdiyim şəhər küçələrinə bənzəmir onlar...

burda gecə qaranlıqdı... şəhərədə belə olmur. gündüz göz oxşayan yaşıllıqlar indi zülmət içində vahiməli bir görünüş alıb... burda sən yoxsan deyə sanki tebiət məni təkləyib... səbəbini bilmədiyim bir qisası var sanki...

burda gecə qaranlıqdı... şəhərədə belə olmur. ulduzlar var.hər biri bir arzuya vəsilədir. bu gecə bütün göy qübbesindəki ulduzlar axsın tökülsün və mən durmadan adını pıçıldayım... bir kainat ulduz...

burda gecəm qaranlıqdı... şəhərədə belə olmur. Ay necə olur olsun, Günəşdşn uzaqlaşanda parlaya bilmir...