Gedibsə ömrünün gənclik qatarı,

Quş olsan yenədə çata bilmərsən

Fələk yükləyibsə dərd yükün sənə

Nə etsən çiynindən ata bilmərsən

Həsrətdən könlünün gülləri solar,

Eşitsə naləni dağlar kül olar

Gecələr qəlbinə bir hicran dolar

Su yatar sən isə yata bilmərsən

Yanarsan eşqinin qəm çırağına

Göz yaşın salacaq iz yanağına

Düşsəndə bir xoşbəxt gün sorağına

İzini, izinə qata bilmərsən