8 gün öncә. Yorğun göz qapaqları tәdricәn açılırdı. Әtrafda ölü sükut vardı. Güclü baş ağrısı dünәnki yorğun günün nәticәsi idi. Göz bәbәklәri bir neçә saniyә tavana zillәndi, indi nәzәrlәri bu boz otağı seyr edirdi. Birdәn cәld yerindәn sıçradı. Bura tanıdığı bir yerә bәnzәmirdi. Tәdricәn ayılırdı. Qapıya doğru yönәldi,lakin,qapı kilidli idi. Hәlә dә dünәnki gecәni xatırlamağa, bura necә gәldiyini, burda nә işi olduğunu aydınlaşdırmağa çalışırdı. Amma mәntiqi bir açıqlaması yox idi. Yenidәn qapıya yaxınlaşdı. Qışqırmağa başladı:
-Hey, orada kimsә var?
Lakin sәs yox idi. Hәyәcanı get-gedә artmağa başlayırdı. Beynindә saysız-hesabsız suallar var idi. Bu vәziyyәtdә nә edәcәyini bilmirdi. Tez әliylә ciblәrini yoxladı. Telefon yox idi. Yenidәn qapıya yaxınlaşdı. Bu dәfә yüksәk sәslә bağırmağa başladı:
-Hey! cavab verin! Mәndәn nә istәyirsiz? Siz kimsiz?? Lәnәtә gәlsin!
Gәrginlik son hәddә idi. Dünәn deyәsәn çox içmişdi, amma bura gәldiyini xatırlamırdı. Artıq mәnfi ehtimallar beyninә dolmağa başlayırdı. Görәsәn kim ola bilәr? Bәlkә orqan mafiyasıdır? Adәtәn filmlәrdә gördüyü durumla rastlaşmışdı. Hәr halda belә bir zarafat olmaz. Yenidәn qapıya yaxınlaşdı. Yüksәk sәslә:
-Әgәr bu zarafatdırsa,sonu heç yaxşı olmayacağ. Qurtarın bu oyunu.
Sәssizlik yenә hökm sürür. Bircә öz sәsi әks-sәda verirdi. Artıq bağırmağın faydası yoxdur. Bu hәr nәdirsә qapının o biri tәrәfindәki insanlardan asılıdır. İndi biraz sakitlәşdi. Lakin ürәk döyüntülәri get-gedә artırdı. Vecsiz hәyat tәrzi keçirirdi. Vә onun yoxluğu heç kәsi narahat etmәyәcәkdi. Bu tez-tez olurdu,bir neçә gün itib batırdı. Qorxmağa bir sәbәbi dә bu idi ki, әn azı bir neçә gün onu heç kәs itirib axtarmayacaq. İndi әtrafa nәzәr saldı. Hәr tәrәf bomboz idi. Otağda pәncәrә yox idi, yalnız hündürdә kiçik nәfәslik vardı vә günәşin xәfif işığını bu otağa salırdı. Әtrafda saysız-hesabsız kitablar,köhnә çarpayı vә masa vardı. Masanı indi görürdü. Üzәrindә kompyuter var idi. Yenә dә beynindә suallar yarandı. Axı bura mәni kim qapadıb? Bu kompyuteri bura kim qoyub? Görәsәn izlәnirәmmi? Kompyuterә yaxınlaşdı. İnternet olmalıydı. Lakin heç bir sayta çıxış yox idi. Qәribәdir, indi otağın küncündә bәyaz soyuducunu gördü. Soyuducunu açdı içindә bәlkә dә bir hәftәlik azuqә vardı. İndi ac olduğunu hiss etdi. Әlinә keçәni yemәyә başladı. Lakin iştahası birdәn-birә öldü, harada olduğunu xatırladı, yenidәn qışqırmağa başladı. Yenә sәs yox idi. Filmlәrdә olduğu kimi kimsә qapını açıb içәri girmәliydi, ya suallar vermәliydi, ya da onu öldürmәliydi. Amma heç biri olmadı. Sanki kimsә onu otağa qapadıb getmişdi. Kitablara yaxınlaşdı. Hәyatı boyu çoxlu kitablar oxumuşdu, lakin buradakı bu qәribә kitabları ilk dәfәdi görürdü. Çarpayıya oturdu. Artıq bağırmaqdan yorulmuşdu, boğazı qıcıqlanırdı. İndi o sәssicә nә olacağını gözlәyirdi.

Saat 22:15. Otaqda saat olduğunun indi fәrqinә vardı. Birdən kompyuterə baxdı. Ekranda nə isə yanıb-sönürdü. Cәld çarpayıdan sıçrayıb kompyuterә yaxınlaşdı. Email mesajı gәlmişdi. "Circulum" adlı ünvandan öz mail hesabına mesaj gәlmişdi. Görәsәn bu kompyuterdə onun emailini kim açmışdı? Axı bayaq internetdәn istifadә mümkün deyildi?! Mesajı açdı. "İndigo". "9 maddә". Maddәlәr arasında mәntiqi әlaqә tapmağa çalışırdı. Görәsәn 8 ci maddә niyә yazılmamışdı? Bu nәyi ifadә edir?"İndigo" nәdir? Mәn hardayam?
Məqalənin sonunda olan "Omnia in numeris sita sunt!" yazısı ona qəribə gəlmişdi.Mәnasını anlaya bilmәmişdir.

Ardı var...