Bir anda qırıldı xoşbəxtlik simi,
Mizrabım yavaşca titrədir qəmi
Həyat dəniz olmasa, insansa gəmi,
Daha yaşamağın nə mənası var?

Onümdən ötüb keçir zaman karvanı,
Gələcək önümdə, keçmişim hanı?
Üç günlük macəra saysan dünyanı,
Daha yaşamağın nə mənası var?

Dünyanı dolaşır, küləklər əsir,
İllər tez ötsə də, dəyişmir əsr
Həyat qul bazarıysa, insansa əsir
Daha yaşamağın nə mənası var?

11.09.2016

Müəllif: Tural Rəhmanlı