Mənim sənə deyilməmiş sözüm çox,
İmkan düşsə deyəcəyəm, darıxma.
Gözlə, gülüm, söz ünvana yetincə,
Qapınızı döyəcəyəm, darıxma. 

Ayağına gətirərdim dünyanı,
Gücüm yetməz, çiçəklərlə gələcəm.
Göz yaşların qabaqlasa zamanı,
Qəm eyləmə, özüm nəmin siləcəm. 

Gəlib sənə ürəyimin odunu,
Sevgi dolu bir dünyanı verəcəm.
Sən gəzdiyin yollara tər gülləri
Ona layiq olduğuncun sərəcəm.