Gözlərim axtarır intizar ilə,
Hanı ürəyimi ovlayan gözəl.
Gah mənə "hə" dedi, gah da "yox" dedi,
Sadəlövh aşiqi tovlayan gözəl. 

Bəlkə unutmusan dediyin sözü,
"Səninəm əbədi", sən demədinmi?
Aləm dəyişsə də, dünya qopsa da,
"Səninəm əbədi mən" demədinmi? 

Mən də inanmışdım şirin dilinə,
Özümü bəxtəvər aşiq sanırdım.
Pərvanə şam üçün yandığı kimi,
Əfsus ki, səninçün mən də yanmışdım.