"DƏRDLİLƏRƏ DE DƏRDİNİ..."

Dərdlilərə de dərdini,
Dərdi dərdindən dərindir...

Nahaq haqqa hədə gəlir,
Haqq nazilir,..
Qədərindir.
Oğrular hey qışqırırlar, 
bağırırlar,
Doğrularsa oğrun-oğrun 
hey baxırlar.
İnsaf yoxdur zalımlarda,
Hər kəs ölüm,qalımlarda.

Bu, nə zaman,bu,nə dövran, 
Allahım,
Yalan ilə dolu hər yan,Allahım.
Satan ucuz,alan baha,
Sözün kəsmə,de bir daha.
Qiymət qalxıb kəllə-çarxa,
Ümid yoxdur yaşamağa.

Xəstələnsən,
yerindəcə can verərsən,
Loğman,təbib çarə qılmaz,
Dərdinə əlac tapılmaz.
Yaxalayar səni ölüm--
Sonrası lap zülüm,zülüm...

Su böyüyə,yol kiçiyə verilir,
Ataların məsəlini
Ad qoyaraq təsəllini--
Günahkarı zəmanədir,
dəyişirlər,
Nə etmirlər,
nələr...nələr...dəyişirlər.
Yoxdu insaf,
yoxdu mürvət,
həm ədalət,
Baş alıb da gedir rüşvət.
Artır zülüm,artır möhnət...

İşğaldadır göz bəbəyim,
Qarabağım ,
Ah,üzünə necə baxım?
Yağmaladı yağım-yağım
yağılar,
Parçaladı dağım-dağım 
dığalar.
Nə vaxtacan öz yurdumda qaçqın gəzim,
Hanı Fərid,hanı Çingiz,Mübarizim?...

Vaxt gələcək,
Bu dünyadan köçəcəyik,
Nə apara biləcəyik:
Köynək-kəfən,bez-- almışıq,
Bir də,,, 
nə ad qazanmışıq....

20.06.2014.Zərdabi.Mövlud Ağamməd.