DƏRVİŞ “NƏĞMƏLƏRİ”...
Elşən İsmayıl tərəfindən "Şeir" bolməsinə 22:35 24 dekabr 2017 tarixində əlavə olunmuşdur

Döndüm sağa, döndüm sola,

Varmaq üçün Qutlu Yola,

Qutlu Ruhu dərk eylədim,

“Hü!” deyərək dola-dola...

 

Beş min ildir bu yoldayam,

Hey getsəm də, daldayam...

Xızır Sultan hamim olub

Onun üçün qaldayam...

 

Oğuz Xandır ulu babam,

Göy Tanrıdır ruhum, duam...

Mən tarixin sirriyəm,

Qam, Şaman, Qutlu Maqam...

 

Bil, Müqəddəs Qırxlaram mən,

Cəm aləmi, Yeddilərəm,

On İkilik şifrəm olub,

Səkkiz zolağ nur içrəyəm...

 

“Hü!”-yəm, “Ha!”-yam, “Hey!” də mənəm,

Taram, sazam, ney də mənəm,

Mən Dərvişlərin ruhuyam,

Həlal olan “mey” də mənəm...

 

Mənəm Tanrı həqiqəti,

Dörd Ünsürün rəvayəti...

Qüzey, Güney, Doğu, Batı,

Mən dünyanın hər cəhəti...

 

Şah mənəm, Dərviş mənəm,

Tanrı Əli, Nəsimiyəm...

Həllaci Mənsur ruhuyam,

Fəzlullahi Nəimiyəm...

 

Müqəddəs On İkilik mənəm,

Yaranışam, təbiətəm...

Mən Zülfüqar qılıncıyam,

Haqq əlində həqiqətəm...

 

Arslanam, Şah yanındayam,

Mürşid-kamil yolundayam,

Tanrı səsi – İsmayılam...

Türklüyün öz qanındayam...

 

Mən “Ənəlhəqq!” deyəndənəm,

Sufi, Hürufi, Maniçiyəm.

Mən Məzdəkəm, Xürrəmiyəm,

Mən Azərəm, Od içrəyəm...

 

Hürrəm, sərhədim yoxdur,

Yolum uzun, dərdim çoxdur...

Mən dünya malın neylərəm?!

Ruhum təki gözüm toxdur...

 

Mavi qaşlı üzük taxan,

Qələndər tək üzün yaxan,

Mavi gözlü Qurdu anan

Dərviş mənəm, Göyə baxan...

Dərviş mənəm, Göyə baxan...

 

8  DEKABR  2017

 


... dəfə oxunub
Qiymət verilməyib...
[qiymət ver ]
Şərh yaz
10+20=
Hesaba giriş
Müəllif

Elşən İsmayıl
Haqqında
Sənət (ədəbiyyat və kino) mənim həyatım, yaşam tərzim, ruhum və varoluş səbəbimdir!
Əlaqə
Tel.:
0558643200
E-mail:
ismayilelshan@gmail.com
Sosial şəbəkə:
Facebook
YouTube-da izlə
Facebook
0.0403 saniye