Deyən dünya çaş-baş qalıb,
Hey aldadır yol keçəni.
Özü boyda yalanı var,
Tanımır heç and içəni.
***
Qış birtəhər,yaz birtəhər,
Dolanırıq az,birtəhər.
Bu günümü yaz birtəhər,
Sabahıma duman-çəni.
***
Niyə qaldın,dağıl,dünya,
Başdan-başa nağıl dünya.
Verən yoxdu ağıl,dünya,
İncik salıb de,kim səni?
***
Bir gün gələn bir gün gedər,
Zülümlərin bəsdi,yetər.
Mövlud oldu gəldi-gedər,
Kəfənini yox biçəni.

3.06.2014.Zərdabi.Mövlud Ağamməd.