Dözümümə heyran qaldım,
Mən yenə də sağam, Allah.
Bu dərd mənim, o dərd sənin,
Dağ içində dağam, Allah.
***
İtirdiyim olanlara,
Sağkən ölüb qalanlara,
Məni yada salanlara
Hələ üzü ağam, Allah.
***
Didərginlik alın yazım,
Kaş çəkəydi anam nazım.
Çən-dumanda yolum azıb
Torpağıma yağam, Allah.
***
Dərd yaşadır dərd çəkəni
İtirməyim bir kimsəni.
Bu dünyadan apar məni,
Bağrı Qarabağam, Allah.

Mövlud Ağàmməd.26.11.2019. Zərdabi.