Girmə qılığına, girmə dünyanın,
Səndən də ağıllı, qocadır dünya.
Düşünmə dəryasan, ağıllısan sən,
Həm rəzil, həm də ki ucadır dünya. 

Əbədi dünyanı beşgünlük edən
İnsanın özüdür, pis əməlidir.
Ağılı başında olan hər insan
Nəfsinə, özünə dur deməlidir. 

Dur deyə bilməsə nəfsinə insan,
Qiyamət gününə yetəcək dünya.
Çəkəcək nəzərin Tanrı da əlbət,
Heç olub, dağılıb, itəcək dünya.