Arzular çox ,ümüd  kalan, istək kəm,
Ağıl bihuş, xəyal talan, fikir dəm,
Sual doğur öz-özümə mən kiməm?
Nəyə görə doğulmuşam dünyada?
 
Qəhər tutub, gözlərimsə dolubdu,
Həyat  sıxıb  ,talayıbdı, vurubdu,
Yaşam tərzi çökəldibdi, yorubdu,
Zaman -zaman boğulmuşam dünyada.!
 
Göy üzünü tutub qara buludlar,
Bu gün nəfəs varsa,bir an yox olar,
Ömürdən sadəcə xatirə qalar,
Birdə gördüz yox olmuşam dünyada.!
 
Ötən ötür,gedən gedir ,nə fayda,
Allah yaratdığı bu cürdü qayda,
Seymuram, təb gəlsə belə nə boyda,
Bir sətirə  yazılmışam dünyada.!

MÜƏLLİF:SEYMUR SÖNMƏZ PAŞAYEV

13.01.2019