İndi dünyanın ən uca yerində
ümidini kağız gəmiyə bağlamış bir dəniz seyircisi var.
Günəşə baxıb ışığını görməyən,
Dənizə baxıb dalğa çırpınışını sezməyən,
Və başını göyə qaldırıb Tanrını tapmayan biri...

İndi dünyanın ən dərin küncündə
bir gəmi batır,
gəmidə ümidlər canıyla çarpışır.
Ölür suda Tanrının zərrələri,
ölür bu dünyanın ən gözəl gülüşləri,
qəhqəhələri hayqırışlar əvəzləyir. 

İndi dünyanın ən acılı günü yaşanır
Bir ana bir övladın nəfəssiz qalışına sadəcə baxır...
Baxır... Baxır...
İndi dünyanın bir yerində
ana bətnindən
körpə çığlığı dünyaya yayılır.

Aysel Ateş Abdullazadə...