Dünyanın nə qədər dəhşət anı var.

Ömür bilməyirəm hələki nədir,

Zaman ötə ötə ürəyi didir.

Kim gəlir, kimisi çiyində gedir,

Dünyanın nə qədər dəhşət anı var.

Dünən əl verdiyin yanında yoxdur,

Sarsılan fikirlər,ümidlər çoxdur.

Həyat həm şirindir, həm acı oxdur,

Dünyanın nə qədər dəhşət anı var .

Tutan olmayıbdır ovcunda onu ,

Bəzəyib, düzəyib geydirib donu.

Axırda torpaqdır dünyanın sonu ,

Dünyanın nə qədər dəhşət anı var .

Qara tellərimə dən düşür aram,

Qocalır gözümün önündə Anam.

Atasız  bir  qərib  yetim uşağam ,

Dünyanın nə qədər dəhşət anı var .

 MÜƏLLİF:SEYMUR SÖNMƏZ PAŞAYEV

02.05.2018