DÜŞÜN MƏNİ
Elşən İsmayıl tərəfindən "Şeir" bolməsinə 01:02 27 sentyabr 2017 tarixində əlavə olunmuşdur

DÜŞÜN MƏNİ

 

Gözlərini düşünürəm

Səni hər özləyəndə...

Çünki yalnız onlar

Daxilinə bir açardır...

Səni çox özləyirəm

Hər sənsizliyimdə...

Sənsiz olmağı heç arzulamam.

Amma nə edək ki, arzular,

Bir də reallıq vardır...

Heç nə edə bilməsən də

Düşün məni...

 

İstəklərim böyük deyil.

Xeyir. Əsla elə düşünmə.

Arzularım heç çox deyil.

Məni sadəcə

Anlamağa çalış.

Düşün məni və bil ki,

Həyat sənsiz çox uzundur,

Sıxıcıdır qarış-qarış...

Heç bir şey etmə!

Sadəcə

Düşün məni...

 

Qırma ürəyimi nə olar.

Demirəm ki, yanımda ol

Hər zaman:

İstəyəndə, çağıranda...

Deyirəm ki,  

Qarışma

Sevgimə, arzuma,

Səni özləməyimə.

Sadəcə məni anla...

Düşün məni...

 

Düşün ki, biləsən,

Görəsən, sənsiz necə

Boğur məni, sıxır məni,

Lap elə öldürür

Qəddar həyatın özü...

Yox.

Bəlkə də həyat deyil qəddar olan.

Sadəcə taledir, qədərdir, yazıdır...

Bəlkə də...

Çox ağrıdır

Sənsiz olan hər şey...

Düşün məni...

 

Əlimdən nə gəlir ki,

Səni düşünməkdən,

Bir də həzin musiqilərə

Qulaq asmaqdan başqa...

Nə gəlir bilmirəm.

Amma bildiyim bir tək şey var:

O da gözəl olduğun qədər

Çirkindir, iticidir

Sənsizlik...

Varlığın o qədər möhtəşəmdir ki,

Sənsiz olanda belə

Arzunla yaşayıram.

Xəyalınsa elə hey deyir:

Düşün məni...

 

Mən qələmi sınmış,

Kağızı bükülmüş

Bir şairəm.

İşim-gücüm ancaq

İçində “sən” olan misralar yazmaq,

Bir də sənin xəyalın...

Yazmaq, yazmaq, yenə də yazmaq

Olub nəsibim ancaq...

Sən söylə,

Mən nə edim?!

Durmadan səni düşünüm,

Yoxsa barışım

Həyatla, sənsizliklə?!...

Yox. Alınmaz vallah...

Özün anla. Özün gör...

Qoy daha bir şey deməyim.

Sadəcə

Düşün məni...

 

Bəlkə düşünsən,

Məni də görəcəksən.

Biləcəksən

Eşqi, sənsizlik özləmini...

Hə, bir də arzuları

Şipşirin, bulud kimi,

Yağış kimi gözəl, özəl

Duyğuları...

Ona görə deyirəm,

İstəyirəm...

Düşün məni...

Düşünsən biləcəksən...

Görəcəksən

Tək gerçəyi.

Bəli. Əslində var olan

Tək özəli, yəni səni...

Düşün məni...

Düşün məni...

 

Elşən İsmayıl

Yazar və Rejissor

 

02.09.2017

 

 

 


... dəfə oxunub
Qiymət verilməyib...
[qiymət ver ]
Şərh yaz
4+24=
Hesaba giriş
Müəllif

Elşən İsmayıl
Haqqında
Sənət (ədəbiyyat və kino) mənim həyatım, yaşam tərzim, ruhum və varoluş səbəbimdir!
Əlaqə
Tel.:
055 654 04 61 (WhatsApp), 055 626 96 64 (Mobil)
E-mail:
ismayilelshan@gmail.com
Sosial şəbəkə:
Facebook
YouTube-da izlə
Facebook
0.0625 saniye