DUY MƏNİ, SAĞIR DÜNYA!
Elşən İsmayıl tərəfindən "Şeir" bolməsinə 18:11 27 noyabr 2018 tarixində əlavə olunmuşdur

Tanrı bilir yaşımı,

Mən dünyadan qədiməm,

Qıcamışam dişimi,

Bozqırlardan gəlirəm.

 

Fikrim Turandır, Turan,

Birləşməkdir amalım,

Mən Tanrıdan dönmərəm,

Ona varmaq xəyalım...

 

Çalıb Bayatı Şiraz,

Şuru kökləyim gərək,

Heyratıyla meydanda

Yağı öldürüm gərək!

 

Kamançadan vaz keçib,

Tütəyi unutmaram,

Mən qavala aşiqəm,

Muğamatsız yatmaram!

 

Gərək çalsın sənətkar

Yurdumun Şikəstəsin,

Babək ruhum gözləyir

Koroğlumun nərəsin...

 

Məni qınama, ay ana,

Mübariz tək şəhidlik

Mənə qismət olmadı,

Oldu ancaq qəriblik...

 

İstəmirəm yadlaşsın

Torpaqlarım, dövlətim,

Nə Dərbəndim, Borçalım,

Nə də şanlı Təbrizim.

 

Ərdəbilim uzaqdır,

Yaş tökürəm yolunda,

Param-parça olmuşam,

Kərkük harda, mən harda...

 

Sevinirəm, Ağrı dağ

Qardaş himayəsində,

Didinirəm, İrəvan

Niyə qalmadı məndə?!

 

Tehran Türkdür, biləsiz,

Etmərəm farsa peşkəş,

Tanrı dağım – Savalan

Heç vaxt sönməyən atəş.

 

O atəş ki, xalqımın

Ürəyini isidir,

Neçə ildir millətim

“Vətən!” deyə didinir...

 

Arzulardan qorxmayaq,

Tanrı yar olsun bizə,

Şanlı tarixli ulus

Günəş olsun gündüzə.

 

Ta qədimdən bu ruh var,

Oğuz Xandan, Bilgədən,

Atilladan, Teymurdan,

Qutalmışdan, Metedən...

 

Sultan Süleymandanıq,

Alparslanıq, Eldəniz,

Ərtoğrul Qaziyik biz,

Şah İsmayıl qibləmiz...

 

Daha neçə igidin

Qanı damarımızda

Duy səsimi, kar olma!

Duy məni, sağır dünya!

 

Duy ki, Haqqın qərarın,

Sonra gec olmasın qoy,

Məhşər günü ağlama,

İndidən başına döy!

 

Tapdama Türk torpağın,

Tapdama Türk dilini,

Gün gələr yalvararsan

Xilas edim mən səni...

 

İblis xislətin burax,

Əl çək Qarabağımdan,

Qətnamələr boş varaq,

Rədd ol, get torpağımdan!...

 

Qurutma Urmunu sən,

Çək caynağın Kırımdan,

Qaşqay elim mənimdir,

Get Hörmüz limanımdan...

 

Rahat burax Uyğuru,

Altaya göz dikmə gəl,

Hindistanda var olan

Tariximi silmə, gəl...

 

Daha bitmədi sözüm,

Sənlə savaş mütləqdir,

Bil, xislətim Qurd, səni

Məhv etməyim gərəkdir!!!

 

(ardı var...)

 

ELŞƏN İSMAYIL

Müqəddəs Tarımızın həzin səsinin üsyanından ilhamlanaraq...

 

 


... dəfə oxunub
Qiymət verilməyib...
[qiymət ver ]
Şərh yaz
9+15=
Hesaba giriş
Müəllif

Elşən İsmayıl
Haqqında
Sənət (ədəbiyyat və kino) mənim həyatım, yaşam tərzim, ruhum və varoluş səbəbimdir!
Əlaqə
Tel.:
055 654 04 61 (WhatsApp), 055 626 96 64 (Mobil)
E-mail:
ismayilelshan@gmail.com
Sosial şəbəkə:
Facebook
YouTube-da izlə
Facebook
0.0361 saniye