Əlvida,əlvida,ötən günlərim,
Bir daha sizinlə görüşməyəcəm.
Söylə,hardasınız,itən günlərim,
Dərdimi sizinlə bölüşməyəcəm.
*****
Getdi sənli günlər,getdi əbədi,
Vüsallı günlərim hicrana döndü.
Ömrümün çırağı söndü əbədi,
Bu ömür yollarım çənə büründü.
***
Axır yanağıma acı göz yaşı,
Qəlbimi ağrıdır ayrılıq dərdi.
Nə üçün bu qədər olmuşam naşı,
Məhəbbət bağından onu kim dərdi?
***
Ürəyim qəmlidir,uyumaq bilmir,
Sinəmdə qövr edir iztirab,kədər.
Qəlbim isə sizi unutmaq bilmir,
Əlvida,əlvida ey ötən günlər,

9.04.1982.Zərdabi.Mövlud Ağamməd.