Həsrətinə arxa dönüb əl elədim kölgəmə,
Görmədikcə dil sükuta vərdiş olur, göz qəmə
Könül deyir, boşla daha, gəlməyəcək, gözləmə
Həqiqətə istəmədən aldanıram...
Əlvida...

Mən ki ayrı dünyaların insanıyam əzəldən
Əyri gözün məramına qopmayacam düz əldən
Bu dünyanın gedişini hikmətiylə düzəldən
Yaradanın dərgahına yollanıram...
Əlvida....

Göy suları bənd elədim ordan-ora üzhaüz
Hər birinin sahilində dayanarıq üzbəüz
Vədə dolub, vaxtı yetib bitsə belə ömrümüz,
Mən yenidən sətirlərdə canlanıram...
Əlvida...