Evlənməməyə  niyə pis  baxırıq, niyə  qəribə  gəlir  bizə?

Əslində  evlənməmək  qəribə  deyil, evlənmək  qəribədir. Hamı  evlənir deyə  subay  qalmaq  bizə qəribə  görünür. Yoxsa  heç  kim  evlənməsəydi  bir  nəfər evlənsəydi, onda  bizə  evlənmək  qəribə görünərdi. Xristian  ölkələrinin  evlənməməyə  normal  baxmalarının  səbəbi  xristianlıqdan, "İncil"dən qaynaqlanır. Çünki  evlənməmək  müqəddəslik  idi. İsa  Məsih  evlənməyib. Amma   İslamda  belə deyil. Məhəmməd  "peyğəmbər"  14  dəfə  evli  olub. Bu  problem  müsəlmanların  əsas  problemlərindən biridir. Gözümüzü  açandan  toy-yas  görmüşük. Necə  qəribə  gəlməsin ki,  evlənməmək  olar? Qadın  və  kişi  evlənər  də, bir qız  bir  oğlanındır... kimi!

Sübutlar: Nur  surəsi, 32-ci ayə:

"(Ey  möminlər!) Aranızda  olan  subay  kişiləri  və  ərsiz  qadınları,  əməlisaleh (yaxud  evlənməyə  qabil )  kölə  və  cariyələrinizi  evləndirin". Başqa  ayələr  də  var  "Quran"da   evlilik  haqqında: 2:221, 2:232, 2:235, 2:237, 4:3, 4:6, 4:22, 4:25, 4:127, 24:3, 24:32, 24:33, 28:27, 33:49, 33:53, 60:10, 66:10... və bu  ayələrin  heç  birində  evlənməmək  yaxşı bir şeydir  deyilmir, heç  birində subay  qalmağın  faydası  haqqında  danışılmır. Yəni  Allah (?),  ya da  Məhəmməd (!) Quranda  açıq ifadə  edilir  və  bəzi hədisləri  oxuduqda  açıq-aydın  yazılır  ki, peyğəmbər  evlilik  barəsində tövsiyələr  verir. Evlənməmək  barəsində  qəti  fikir  yoxdur. ancaq  evlilik, nikah, qadın - kişi münasibətləri  var...

Amma  "İncil"də  belə  deyil. İncilin  "Paulun   Korinfililərə  birinci  məktubu"nun  7-ci  fəsilində Nikahın qaydaları  və  subay  qalmağın  faydası  haqqında  danışılır. Hamısını  yazmayacam, bir hissəsini seçib yazıram: " (27) Arvadınla  nikahla bağlısansa, ondan azad  olmağı  arzu etmə. Arvadın yoxdursa, özünə  arvad  axtarma. (28) Amma  evlənməyin günah deyil. Qızın da  ərə  getməsi  günah deyil. Amma  belə  adamlar  bu  həyatda  əziyyət  çəkəcəklər. Mən  sizi  bundan qorumaq  istəyirəm". 

"İncil"dən  fərqli  olaraq "Quran"da  nikah  və  qadın -kişi  münasibətlərinə  tolerant,  demokratik  və  obyektiv  yanaşılmayıb ( Fahişənin günahlarını bağışlayan nə  Musa, nə də  Məhəmməd olmayıb. İsa Məsih  olub. Xristianlıq  iudaizm  və islamdan  humanistdir). Amma  bilirik  ki, bu iki  kitab  insan tərəfindən  yazılıb. Fərqi  o  dəqiqə  görmək  olur. Özünüz  müqayisə  edin.. Xristianların  düşüncəsi  İncildən, müsəlmanlarınkı  isə  Qurandan  yoğrulub, əmələ  gəlib,  kökü  ondadır. 

Nietzsche  indi  burda  olsaydısoruşardı  bizdən: "Niyə  evlənmək  istəyirsən? Şəhvət  qurduna  görə, yoxsa  tənhalıq  qorxudur  səni? Səndən  soruşuram:  Niyə  evlənmək  istəyirsən?