Ey mahliqam,hüsnünə heyran olum,olmayım,
Olsun canım qurbanın,qurban olum,olmayım?

Çoxdandı görmür gözüm,qəm karvanım hardadır,
Çıxmış olar,yoldadır,sarvan olum,olmayım?

Eldən razim gizləyib ondan kənar gəzmişəm,
Əğyar bilib sirrimi,pünhan olum,olmayım?

Dərdin əlindən qaçıb,dağlar olub məskənim,
Bimar olub,dərdinə dərman olum,olmayım.

Səndən iraq bircə an tab etmərəm,Mövludam,
Bir gün sənin taxtına sultan olum,olmayım?

4.12.2014 / Zərdabi
Mövlud Ağamməd