Eyləmisən
Turqay İbrahimli tərəfindən "Şeir" bolməsinə 07:59 17 mart 2017 tarixində əlavə olunmuşdur

Ey gözəl, qəlbimi gör bir necə qan eyləmisən,

Bu könül mülkünü nazınla viran eyləmisən.

***

Sənə ki hər dəfə bir yar deməyə cəhd eləsəm,

Axıdıb göz yaşını, ahü-fəğan eyləmisən.

***

Nə qədər səri-kuyində dolanım ki, sevilim?!,

Nədi fikrin mələyim, sən nə güman eyləmisən?!

***

Necə xoşbəxt dolanırdım səni sevməzdən əzəl,

O bahar ömrümə gəl bax ki, xəzan eyləmisən.

***

Aşiqin diz də çöküb min kərə yalvardı sənə,

 Bu qərib bəndəni neyçün pərişan eyləmisən?!

***

Sinəndə mərhəmətin yoxdusa, hardan biləcən,

Sən mənim səltənətimdə nə tufan eyləmisən?!

***

Turqay əhli-şərab idi, bunu dostlar da bilir,

Sənsə eşqinlə onu əhli-iman eyləmisən!


... dəfə oxunub
Qiymət verilməyib...
[qiymət ver ]
Şərh yaz
1+16=
Hesaba giriş
Müəllif

Turqay İbrahimli
Haqqında
Hüquqşünas-politoloq
Əlaqə
E-mail:
turqay@live.com
Sosial şəbəkə:
Facebook
Twitter
YouTube-da izlə
Facebook
0.0416 saniye