Ya Rəbb, bu xalq binəvaykən

Bunca dərdə mübtəlaykən

Vəhdət dərdə tək dəvaykən

Birləşməsə, eyvah, eyvah

Ozanıyla, bəstəsiylə,

Əsəniylə, xəstəsiylə

Qurdlar çaqqal dəstəsiylə

Dirəşməsə, eyvah, eyvah

Gəl xəbəri güneydən al,

Dildə möhür, əldə qandal

Səni sevən bunca ərdal

Hürləşməsə, eyvah, eyvah

Təbriz qala - açarı biz

Nədən qalaq biçarə biz?!

Səflərimiz son çarəmiz

Gürləşməsə, eyvah, eyvah