Yarım, məni yad eylə sən hər an, gecə-gündüz.
Fürsət elə, gəl yanıma mehman gecə-gündüz.

Çəkmə sınağa hicrin ilə qalmadı tabım,
Yandırdı məni həsrəti-hicran gecə-gündüz.

Əsdi külək zülf ətrini hiss etdim o dəmdə
Sandım ki, gülüstan olub hər yan, gecə-gündüz.

O gül cəmalın nur ələyir şəmsü-qəmərtək,
Dövr eyəyir ətrafına cahan gecə-gündüz.

Eşqin məni bimar eləyib çarəsi - vəslin
Həm ruh diləyir, həm də ki cisman gecə-gündüz.

Sənsiz keçən hər gün mənə bir ilə bərabər,
Dünyam da olubdur dəxi zindan gecə-gündüz

Canan ilə vüsala yetirsən məni, Yarəb,
Duaçı olar lütfünə Cinan gecə-gündüz.