Müəllif: Gülzarə Hüseynova
Bir gün tənha gəzərkən
Ürəyin arar onu.
Ətrinə rast gələrsən,
Gözlər axtarar onu.
Ətrafına baxaraq,
Axtarar, amma tapmaz.
Boylanar küçələrdə,
Ordan da xəbər olmaz.
Həsrətilə kövrələr,
Dolar ala gözlərin.
Yada düşər könlünü
Qıran ağır sözləri.
Ağrıyaraq ürəyin
Yaş ötürər gözünə.
Bəyaz, titrək əllərin
Sığınar ağ üzünə.
İncitdiyi günlər də
Gələr gözün önünə.
Yaşatmaz xatirələr,
Hücum edər ömrünə.
Yumulanda gözlərin,
Biri gələr yanına:
"Bağışla" deyər sənə,
Yapışar qollarına.
Və sən həmin andaca
Verib son nəfəsini,
Arxayın get yuxuya:
Sevmədin özgəsini...
(4 yanvar 2017)
