GEDƏCƏK TABUTUN ÇİYİNLƏR ÜSTƏ
İlkin Abbas tərəfindən "Şeir" bolməsinə 13:15 02 fevral 2015 tarixində əlavə olunmuşdur

Bu dünya fanidir, güvənmə, dostum,
Yaman zay olubdur zəmanə indi.
Şükr elə bir parça çörək yesən də,
Təmiz ad və şərəf sənin bəsindi.

Nolardı pisliyi, kini unutsaq?
Niyə dəyişibdir bu dövran, Allah?
Ölərik birinin əlindən tutsaq,
Quyular qazmağa qoçağıq, vallah.

Hər kəsin yanında çalış uca ol,
Yoxsa kiçildikcə kiçiləcəksən.
Ərisən şam kimi bir ömür boyu
Sən öz şamdanına töküləcəksən.

Üzünə düşməsin qoy "üz qarası",
O elə ləkədir, zaman da silməz.
Xəyanət zərbəsi, böhtan yarası,
Başa gələn duman bir də çəkilməz.

İstərsən uca ol boyundan bir az, 
Ya da ki boyundan bir az ol bəstə. 
Istərsən padşah ol, öləndə amma
Gedəcək tabutun çiyinlər üstə..


... dəfə oxunub
Qiymət: 10/10(1 səs)
[qiymət ver ]
Şərh yaz
4+34=
Hesaba giriş
Müəllif

İlkin Abbas
Haqqında
Abbasquliyev İlkin Qadir oğlu ( İlkin Abbas ) 1993-cü il Dekabr ayının 8-də Naxçıvan şəhərində Ziyalı ailəsində anadan olmuşdur. Onun ədəbiyyata olan böyük marağı hələ orta məktəb illərindən başlanmış, zaman keçdikcə şeiriyyat aləminə olan sevgisi güclənmişdir. Şair 2000-ci ildə Naxçıvan şəhər Afiyəddin Cəlilov adına 12 saylı orta məktəbin birinci sinfinə daxil olmus, 4 illik ibtidai təhsilini orada aldıqdan sonra, Naxçıvan şəhər Hüseyn Cavid adına 5 saylı orta məktəbə dəyişilmişdir. Onun "ANA DİLİ" adlı ilk şeiri 2010-cu ildə yazılmış və "TƏK SƏBİR" qəzetində nəşr olunmuşdur. Bundan əlavə, gənc yazarın Şeirləri Vəhdət.org. , Shahbulaq.az, Turkbir.info, ədəbiyyat-az.com, Gundelik.info, dokkuziklim.net saytlarında dərc olunur və olunmaqdadır. Hazırda tələbədir, Subaydır. Hələ ki kitabı yoxdur.
Əlaqə
E-mail:
ilkin.abbas.90@hotmail.com
Sosial şəbəkə:
Facebook
YouTube-da izlə
Facebook
0.0236 saniye