Gedəndə geriyə baxdın, baxmadın?

Bilmirəm, gözüm izləmədi gedəndə səni.

O gündən düşməyib dilimdən adın

Elə əzbərlədim sevəndə səni...

Gedirsən? "Yaxşı yol" deyirəm sənə

Başqa nə söyləyim çıxıb gedənə

Üstündən neçə il keçsə də yenə

Qəlbim ağrıyacaq görəndə səni

Mən getsəm vəfasız demə sən mənə

Getsəm də dönərəm bir gün vətənə

Səni tapmaq üçün girdim gülşənə

Neyləyim tapmadım gülşəndə səni

Kim məni axtarsa, səndən soruşsa

Mənim itdiyimi deyib danışsa

Bir gün ulduzumuz göydə barışsa

Onda tapacadasan sən məndə səni