GƏL YENİ İLDƏ

Bitsin giley-güzar, söz-söhbət daha,

Bir az şirinləşsin ağızda, dil də.

Sənə and verirəm qadir Allaha,  

Gəlmək istəyirsən gəl, yeni ildə!  

Təqvimin sayılı günləri çoxdu,

Qayıt gəl, bir az da üz-üzə duraq.

Niyə yaşayaq ki ömrün bu vaxtı,

Mən səndən aralı, sən məndən uzaq...  

Məhəbbət heç zaman sərhəd tanımaz,

Eşqdir saflıq verən havaya, suya.

Bəlkə də düşünsən hardasa bir az,

Bilərsən sevgidir qanad arzuya.  

Sənin gəlişinə ehtiyacım var,

Gəl, birgə dolaşaq obada-eldə.

Ürəyim elə hey səni arzular,

Qayıt, heç olmsa gəl yeni ildə!

MÜƏLLİF:SEYMUR SÖNMƏZ PAŞAYEV