Yaman darıxmışam a zalım qızı,
Həsrətin od olub, qəlbə doldu, gəl.
Adımız həkk olan o yaşıl çinar,
Dözməyib hicrana, vaxtsız soldu, gəl.

Gün deməzdim sənsiz ötən günə mən,
Ötən illər saçlarıma saldı dən.
Çəkilmir başımdan nə duman, nə çən-
Cavan ömrüm qəm dəryası oldu, gəl.

İnamla yolunu gözləyir gözüm,
Gözlətmə, tükənir canımda dözüm.
Sən gələn yollara qurbanam özüm,
Getdiyin dar küçə, həmin yoldu, gəl...