Son dəfə görüşə çağırsam səni,
Bilirəm yenə də gələn deyilsən.
Gecə-gündüz gəlişini gözləyən,
Gözümün yaşını silən deyilsən.

Sən mənim qismətim, alın yazımsan,
Həm şirin ləhcəmsən, həm avazımsan.
Sinəmdə əriməz qarım-buzumsan,
Bircə yol üzümə gülən deyilsən.

Adınla başlayır hər kəlmə sözüm,
Bir vaxtlar sən idin işığım, közüm.
Daha qalmayıbdı canımda dözüm,
Ölsəm də qədrimi bilən deyilsən.