GƏLİR
(Zarafatyana)
Əlli yaşa çatdım,ömür yarıdır,
Kövrəlirəm,gözlərimdən yaş gəlir.
Qocalıram,çatır ömrün payızı,
İllər ötür,yaş üstünə yaş gəlir.
***
Tanıyıram hələ sağım,solumu,
Birtəhərlə çıxarıram çulumu.
Mən deyiləm təkcə azan yolumu,
Bu dünyaya hamısı çaş-baş gəlir.
***
Bu yaşımda sevda düşüb başıma,
O da baxmır mənim ahıl yaşıma.
Yaman"soğan doğrayıbar aşıma",
Görən deyir,"pəncərədən daş gəlir".
***
Dediklərim,əlbəttə,bir zarafat,
Başındakı fikirləri,Mövlud,at.
Mənə tənə edər bütün camaat,
Hara baxsam,görərəm göz-qaş gəlir.
11.09.2014.Zərdabi.Mövlud Ağamməd.