O gecə səninlə son görüş oldu...
Silinməz qəlbimdən o qəmli gecə.
Bəlkə də,o gecə sərt dönüş oldu
Sənin ürəyində sakit,gizlicə.

Gözlərin o qara gözlər deyildi,
Sanki o gözlərdə iztirab,kədər.
O gecə fikrin də məndə deyildi,
...Demək,düşündüyum getməmiş hədər.

Gəlməsin ömrümə bir də o gecə,
Bircə dəqiqəsi gəlməsin,onda
Sənin də gözlərin gülərdi,məncə,
Baxıb sevinərdi bizə o ay da...

15.05.1980 / Axalkalaki
Mövlud Ağamməd