Tarixin silinməz bir qayası var,
Burda başqa doğur günəşli səhər.
Ən gözəl fəsildir sanki bir bahar,
Bahar tək ətirli xəzəldi Gəncəm. 

Özüdür xanların mərdlər obası,
Odlar çırağı tək yanır sobası.
Eralar ötürüb qədimdi yaşın,
Tarixdə-Tarixə əzəldi Gəncəm.       

İlyas Yüsif oğlu burda doğuldu,
Burda ilhamlandı "Nizami" oldu.
"Xəmsə" dastan oldu uğurlu yoldu,
Böyük ustad ilə yüksəldi Gəncəm 

Vurğunu olmuşam bu gözəlliyə,
Sərin çeşmələrər  bu düzənliyə,
Dağ tək əzəmətə bu yüksəkliyə,
Bütün gözəllərdən gözəldi Gəncəm. 

Şairlər dilində nəğmə söz olub,
Gözəllər içində bir ulduz olub.
Sözündə Yurdumuz hər an düz olub,
Şairlər dilindı qəzəldi Gəncəm.     

Bir eşqə düşmüşəm onu sevəcəm,
O nurlu yerləri gəlib görəcəm.
Mən AZƏRBAYCANAM sənin 
                                  bir parçan,
Gəncəm var olduqca mən hələ gəncəm.