Hirs gələndə göz qızarar,
Gözü qanla dolandan sor.
Hirs gedəndə üz qızarar,
Peşiman kim,olandan sor.
***
Az getdilər,yüz getdilər,
Dərə-təpə,düz getdilər.
Yayı gəlib güz getdilər,
Bu müddəti,qalandan sor.
**
Mən göylərdə yoğrulmuşam,
Mən yerlərdə doğulmuşam.
Bilsən necə oğulmuşam,
Mənə layla çalandan sor.
***
Oynayarsan,utanmasan,
Bəmini düz tutammasan.
Gecələri yatammasan
Səni dərdə salandan sor.
**
Nə qədərdik,azalmışıq,
Qışı verib,yaz almışıq.
Mövlud,demə az almışıq,
Kəmini çox alandan sor. 

2.06.2014.ZərdabiMövlud Ağamməd