Ya şəhid ol,ya da qazi,
Uyma düşmən fitnəsinə.
Bilinmir ki, iç düşmənin,
Hiyləsi nə.fitnəsi nə.

Torpaq yadlar tapdağında,
Odu sönüb ocağın da.
Hər kəs ellər sorağında,
Kölgə gedir hey tərsinə.

Nə ağladıq, nə sızladıq,
Nə özlədik,nə bozladıq.
Baxıb xəyal içrə qaldıq,
Laçınına,Şuşasına.

Mövlud ,demə yox cürətin,
Şərafətin,ləyaqətin.
Bir gün görək Xankəndinin
Bayraq sancdıq sinəsinə.

1.01.2014 / Zərdabi
Mövlud Ağamməd