Vətən keşiyində igid ərənlər,
Düşmənin payını mərdtək verənlər. 
Torpaqçün canından keçib ölənlər
Şəhidlik adını qurdu da getdi.

Var idi dağların sazaq, ayazı, 
Qəlbə toxunardı yazdığı yazı. 
İtirdi el oba Yetim Eyvazı, 
Rəhmətlik sonadək vurdu da getdi. 

Nə idi günahı köçgün bir kəsin? 
Varsa da danışsın, dillənsin, desin. 
Sızlayıb alaraq axır nəfəsin
Üstəlik talandı yurdu da, getdi.

Nə qədər tab edib səbr etmək olar? 
Bizim torpaqlarda gəzir dığalar. 
Vətən həsrətiylə qəlblər sızlayar, 
Mübariz dözməyib durdu da getdi