GÖR SƏNƏ NƏ QƏDƏR EHTİYACIM VAR
SEYMUR SÖNMƏZ tərəfindən "Şeir" bolməsinə 20:14 23 mart 2017 tarixində əlavə olunmuşdur

GÖR, SƏNƏ NƏ QƏDƏR EHTİYACIM VAR

 

Səhər-axşam yoluna göz dikərəm,

Misra-misra şəkilini çəkərəm.

Gah sızlaram, gah boynumu bükərəm -

Gör, sənə nə qədər ehtiyacım var!

 

Elə bil aynadır bir cüt gözlərin,

Şəkərdi, nabatdı, baldı sözlərin.

Doğmadır, əzizdir mənə izlərin -

Gör, sənə nə qədər ehtiyacım var!

 

Hər vaxt xəyalımla fikrim yanında,

Qayıt gəl, yanıma mələk donunda.

Bir də ayrılmayaq yolun sonunda -

Gör, sənə nə qədər ehtiyacım var!

 

İstərəm nə qüssən, nə qəmin olsun,

Hər şeirim, hər misram gülşənin olsun.

Sevdalı ürəyim həmdəmin olsun -

Gör, sənə nə qədər ehtiyacım var!

 

Seymurun yolunu kəssə duman-çən,

Görən imdadıma çatarsanmı sən?

Bəlkə də məndən də yaxşı bilirsən -

Gör, sənə nə qədər ehtiyacım var!

 

MÜƏLLİF:SEYMUR SÖNMƏZ PAŞAYEV

23.03.2017


... dəfə oxunub
Qiymət verilməyib...
[qiymət ver ]
Şərh yaz
6+24=
Hesaba giriş
Müəllif

SEYMUR SÖNMƏZ
Haqqında
Sanma məni, sən avara mən eşqimin dəlisiyəm Düşünməki hər, baxışı görüb onu sevəsiyəm Xumar gözdə cilvələnib, gülümsəyib ötəsiyəm Adətim bu, hər yetənə könül verməm…! Hər yetəndən, könül almam , Neyləyim ki , məndə buyam.
Əlaqə
E-mail:
seymur551@list.ru
Sosial şəbəkə:
Facebook
YouTube-da izlə
Facebook
0.0267 saniye