GÖY TANRIYA SEVGİLƏRLƏ...

 

Əlimdə var Göy bayraq,

Başım üstə Göy tanrı,

Dilim Göytürk dilidir!

Nə xəyaldır, nə sanrı,

Fikrim Türklük üçündür!...

 

Uca Tanrı Turanı

Atama miras etdi,

Atam qurdu dövlətin

Dünyanı xilas etdi

Zalımların zülmündən.

Gərək davam edim mən

Atamın niyyətini...

 

Var edim Türküstanı,

Birləşdirim Turanı,

Savaşım Göy bayraqla...

Ey Türk, gəl bir varaqla

Şanlı tarix səhifəni,

Bil, əzəl bir ülkü

Səni hər an gözləyir...

 

Qılıncım elmim olsun,

Sazım, sözüm inancım,

Əllərim Göyə doğru,

Mən Göy üçün yarandım...

 

Dərvişlər doğru söylər,

Bu dünya fani dünya,

Əzəl olan Tanrıdır,

Onun ruhu Turandır...

 

Tanrı üçün savaşaq,

Biz ədalət gətirək

Yerüzünə, cahana.

Türklük üçün çalışaq,

Başqa nə məqsəd daha

Bizə gərəklidir ki?!

Göy tanrının ruhu var

Şahı-mərdanımızda,

Onun eşqi bəs edər

Türkə, Turanımıza...

 

Ismim Elşəndir mənim,

Soyum Ismayıl soyu,

Ruhən Dərviş, Şamanam,

Türklük üçün yanaram

Hər an, hər bir zamanda,

Düşmən ağlar, aman da

Diləyər adım üçün...

 

Varam Azərbaycanım,

Bir də Turanım üçün,

Dua təki söylərəm

Əlim Göyə, günbəgün:

- Türkü qoru, ey Tanrı,

Qoru, ucalt ki, hər an

Göy bayraqla durmadan

Sənin üçün çalışıb

Sülhü bərqərar etsin,

Zalımları məhv edib

Məzlumları yaşatsın!...

 

11.01.2018