Bir gözələ könül verdim,
Gözəl canı alan gözəl.
Yanaq lalə,gözü nərgiz,
Tək xəyala dalan gözəl.

Mən bir şamam,pərvanədir,
Məst olubdur,peymanədir.
Dərddən dəli-divanədir,
Məni dərdə salan gözəl.

Ürəyində sevgi,yanır,
Hey odlanır,alovlanır.
Məni özünə yar sanır,
Məndən ayrı qalan gözəl.

Mövlud səndən nagümandı,
Sevən qəlbi nigarandı.
Gözləyirəm nə zamandı,
Qəlbim etmə talan,gözəl.

13.04.2014 / Zərdabi
Mövlud Ağamməd