GÖZLƏRİN DEYİR Kİ,VALLAH SEV MƏNİ


Sevən ürəyimə rəhm et sınama,
Hopmusan bir yolluq inan canıma, 
Məndə günah yoxdu məni qınama,
Gözlərin deyir ki,vallah sev məni.

Qaşların kamandır,yolumun üstə,
Yanağın al lalə,dodağın püstə,
Ömrümə çalınan bir çələng bəstə,
Gözlərin deyir ki,vallah  sev məni.

Məhəbbət tükənib saralan deyil,
Könlüm başqasına etməz ki meyil,
Səs salım aləmə mən deyim sən bil,
Gözlərin deyir ki,vallah sev məni.

Diqqət et sözümə,bax bir  yazıma,
Bəlkə ilahidən düşdün payıma,
Seymurda günah  yox,məni qınama,
Gözlərin deyir ki,vallah sev məni

24.03.2017