Bir atəş qalayıb sinəmdə mənim,
Aləmi yandırıb yaxan gözlərin.
Zülmət gecələrə işıq çiləyir.
Könlümdə şimşək tək çaxan gözlərin.

Üzür məni sənsiz ötən hər anım,
Aşiqinəm! nə gizlədim, nə danım.
Axırda öldürər məni ay canım
Həsrətdən qəlbimi sıxan gözlərin.

Qoxlasam solası bir qönçə gülsən,
Şəkərdən süzülmüş bir şirin dilsən.
Nə çəkir aşiqin bir bilə bilsən.
Sevərmi biganə baxan gözlərin?