Yazar toxumu səpmişəm,
Yerdən də şeir çıxacaq.
Günəşdən nəzm enəcək,
Torpaqdan bəhir qoxacaq.

Yazar toxumu səpmişəm,
Hər sözdən söz içmək üçün.
Roman povest, hekayəni
Dən-dən yığıb biçmək üçün.

Yazar toxumu səpmişəm.
Bu yaz çıxıb qatar-qatar.
Əl dəyməzsə yetişəcək,
Əl dəyərsə kökdən qopar.

Yazar toxumu səpmişəm.
Torpaqdan yazar boy atıb.
Nəzmin başı göylərdə,
Nəsr də, göylərə çatıb.
Yazar toxumu səpmişəm.

Gülnarə İsrafilqızı