Çıxmırsan yadımdan bircə an belə, 
Bənzərsən könlümün bağında gülə. 
Əllərim çatmayır o narın telə, 
Dağıt bu həsrəti, qovuşaq gülüm. 

Sənində ürəyin mən tək yaradı, 
Dərtli ömrüm sınıq, parça- paradı. 
Nakam sevgi qəlb evimi taladı, 
Dağıt bu həsrəti, qovuşaq gülüm.

Qovuşaq səninlə ayrılmayaq biz. 
Gedək bu diyardan, qayıtmayaq biz. 
Qalmasın köhnədən , ömrümüzdə iz
Dağıt bu həsrəti, qovuşaq gülüm.