Günahkar mənəm, yoxsa sən?!
Elşən İsmayıl tərəfindən "Şeir" bolməsinə 10:19 06 avqust 2018 tarixində əlavə olunmuşdur

Günahkar mənəm, yoxsa sən?!

 

Budur, əsdi bir güz* yeli,

Gəlib keçdi aramızdan,

Zalım fələk ilməyini

Atdı bizə azdan-azdan...

 

Görən axı noldu bizə,

İlk günkü tək o saf, təmiz,

Gözəl olan sevgimizə?!

Çox tez bitdi səs-səmirsiz...

 

Həyat yaman zalım gəlir,

Dayanmadan üstümüzə,

Xısın-xısın, incə gülür,

Ruhumuzu əzə-əzə...

 

Bilməm niyə, axı nədən,

Doğma ikən biz yad olduq,

Yanlış olan bir kəlmədən

Görən belə tez ayrıldıq?!

 

Bizi dağlar ayırmazdı,

Sözümüz dağ olmasaydı,

Heç kəsin gücü çatmazdı,

Birliyimiz qor** olsaydı...

 

Daha sual yoxdur məndə,

Özüm suala dönmüşəm,

Nə gözəl şey var ki qəmdə,

Ona doğru sürünmüşəm?!

 

Qəm məni də, qəm səni də,

Saldı yaman öz toruna,

Sevgimizin məskəni də

Qəfil döndü qəm yurduna...

 

Ayrılıq qəlbimizə oxdur,

Səbəbkar mənəm, yoxsa sən,

Daha bir mənası yoxdur,

Günahkar mənəm, yoxsa sən?!

 

 

*güz (qədim Türk sözü) – payız

**qor (qədim Türk sözü) – od, alov

 

 

ELŞƏN İSMAYIL

Gənc ədib və kino insanı

 


... dəfə oxunub
Qiymət verilməyib...
[qiymət ver ]
Şərh yaz
1+37=
Hesaba giriş
Müəllif

Elşən İsmayıl
Haqqında
Sənət (ədəbiyyat və kino) mənim həyatım, yaşam tərzim, ruhum və varoluş səbəbimdir!
Əlaqə
Tel.:
055 654 04 61 (WhatsApp), 055 626 96 64 (Mobil)
E-mail:
ismayilelshan@gmail.com
Sosial şəbəkə:
Facebook
YouTube-da izlə
Facebook
0.0516 saniye