GÜNBƏGÜN

Maraq axtarmıram nədəsə, vallah,
Şahiddir bizləri yaradan Allah.
Sadəcə, görüncə eyləyirəm ah,
Haqsızlıq baş alıb gedir günbəgün.

Şeytanlar giribdir mələk donuna,
Söyürəm bunların hər gün zatına.
Əlindən gələni qoymur ardına,
İnsanlıq baş alıb itir günbəgün.

Könül bazarına cevrilib bura,
Bilinmir kim qala, kimisi dura.
Düz sözü yazarkən baxıb Seymura
Çoxu dodağını büzür günbəgün ...

MÜƏLLİF:SEYMUR  SÖNMƏZ  PAŞAYEV©