Harda var..
Mövlud Ağamməd tərəfindən "Şeir" bolməsinə 07:58 08 dekabr 2019 tarixində əlavə olunmuşdur
Harda var...
Müəllif: Mövlud Ağamməd

Gedək, dedin buralardan,
Biz olmayan yer harda var?
Hara getsək, dərd ələnir,
Gəz, olmayan yer harda var?

Gözəllərdə insaf hanı,
Görməmişəm vəfasını.
İçək cövri-cəfasını,
Süz, olmayan yer harda var?

Dərd tökülür yanaqlardan,
Çıxmaq gərək sınaqlardan.
Tənələrdən, qınaqlardan,
Bez, olmayan yer harda var?

Bu dərd bizim ikimizin,
Qurbanıyıq sevgimizin.
Sürünürük dizin-dizin,
İz olmayan yer harda var?

Yanaq gülə,qaş hilala,
Canım qurban xəttü-xala.
Düşdün Mövlud qeylü-qala
Döz,olmayan yer harda var?

9.05.2019.Mövlud Ağamməd.Zərdabi.          

... dəfə oxunub
Qiymət: 10/10(2 səs)
[qiymət ver ]
Şərh yaz
2+35=
Hesaba giriş
Müəllif

Mövlud Ağamməd
Haqqında
Ali təhsillidir.BDU-nun filologiya fakültəsini bitirmişdir.İxtisası üzrə müəllim işləyir.
Əlaqə
E-mail:
movlud.aqammed@mail.ru
Sosial şəbəkə:
YouTube-da izlə
Facebook
0.0229 saniye