Axtarır gözlər səni hər yanda, canan, hardasan?

Hicrətin etdi sevən qəlbləri al-qan, hardasan?

Keçən hər an ilə yandı şəm kimi səbrü-qərar

Ruh viran, laldır zəban, gözlər də giryan, hardasan?

Məst edib dünya bizi qəflətdəyik qəlblər mərəz,

Gəl, yetiş çün səndədir dərdlərə dərman, hardasan?

Sanma azadə bizi, məhbusi-dövran olmuşuq,

Yoxluğun ilə keçən zaman da zindan, hardasan?

Acizəm söz söyləyib şəninə, tərif etməyə

İltimas eylər fəqət hər dəqiqə Cinan hardasan?