“Havalar soyuq, verilişimiz isti, əziz izləyicilər!”-sözlərini eşidəndə tələsik mətbəxdən salona gəlir. Divanda əyləşib pultu əlinə alaraq televizorun səsini artırır. Budur, bircə balası təbəssümlə gənclərin sevimli intellektual şousuna aparıcılıq edir. Sənəmin qəlbi fərəhlə döyünməyə başlayır. “Mələyim mənim” deyərkən gözlərinin yaşardığı sezir birdən. Arxaya söykənib xatirələrini canlandırmağa başlayır.

Böyrək çatışmazlığından əziyyət çəkirdi 5 il əvvəl. Qızı İlahənin ona uyğun donor olmasını eşitcək narazılığını bildirməyə başladı. İlahə Mədəniyyət və İncəsənət Universitetində oxuyurdu. Sonuncu kurs tələbəsi idi. İmtahanlar, kurs işi-onu heç maraqlandırmırdı. Rəfiqələri onu harasa dəvət edərkən istəmədiyini nəzakətli şəkildə bildirirdi. Anasını düşünürdü hər an, onunla danışıb yola gətirməyə çalışırdı. Sənəm nə etsə də, qızının qərarından dönməyəcəyindən gördükdə çarəsiz qalıb razılaşmaqdan başqa çıxış yolu qalmadığını anladı. Əməliyyatı Ukrayna və İsraildən dəvət edilmiş məşhur həkimlər həyata keçirdilər.

“Yeni beyinlər, yeni genlər lazımdır”-deyə aparıcı qızı gənclərlə müzakirə edərkən öz fikrini düşüncəli şəkildə ortaya qoyur.

“Gözəl otellər heç də ictimai xəstəxanalar qədər önəmli deyil”-deyə tərəf müqabili Seymur deyir və dəvət edilən mütəxxəssislə müzakirəyə girir.

“Az əvvəl amöb haqqında oxudum. Vegetarianlıqdan gedirəm”-deyə gənc oğlan zarafatından geri qalmır.

“Dünyada tək bir əngəl var. İnsanların sahib olduqları kor düşüncələr.”- tanınmış pedaqoq kədərlə qeyd edir.

“Səhhətimizi xərcləyən vərdişlər...”-Sənəm çalınan qapı zəngindən dolayı sözlərini tamamlaya bilmir. İşdən qayıdan həyat yoldaşı ilə birgə əyləşib verilişi izləməyə davam edir.