Biz varıq, ya yoxuq kimə gərəkdi,

Həyat davam edir, ölənə hayıf.
Bu dünyaya gələn bir gün də gedər,
Anlayana hayıf, bilənə hayıf.

Kim tutub saxladı, zaman ötəndə?
Kim ümid bəslədi, ümid itəndə?
Gen günün dostudu yoldan ötən də,
Dar gündə dost gözü silənə hayıf.

Oğul axtarıram dərdi olmaya,
Həsrət sazağında rəngi solmaya,
Ürəyi yansa da, gözü dolmaya,
Kədərin üzünə gülənə hayıf.